من اشعار خضیر المری:

وحق الباسط البیده والیبال

ابجفاهم ما الی خاطر والیبال

الو فارش سمل نمده والیبل

اخیر امنل الحریر البی اذیه

*****
گضیت ایام ویه المحب ونهه

وکل مصباح روحی ایزود ونهه

گمت استعرض العشاگ ونهه

بیهم لا یصیر الصار بیه

*****
عمامی ابهظم مقبل مرضه عنهم

او علیه ابعزم گوطر مرضه عنهم

الوما للنوایب مرضه عنهم

ارادنهم ذخر للموزمیه

*****
یحادی الظعن ما تدری ظعنه

عزیز الروح من گوطر ظعنه

اخبرک یوم الموادع ظعنه

اشعره اشباک یوم الغدت لیه

*****
یدعج من طریق اشوم تنهاک

روحی او الک بلکلفات تنهاک

علی اسایر صحت یاخوی تان هاک

گلبی اویاک وده الهم هدیه

*****
نحیل انا وشفت شامت علی مر

او دلیلی یشبه الدله علی مر

جابولی العسل ظگته علی مر

العسل لو مرو احبابی علیه

*****
یحادی الابل داولهه وردهه

اسگیهه من دمع عینک وردهه

العمام ایفید طیبهه ورودهه

انتونس لو جمع کلهم سویه

*****
یحادی الابل داولهه وحدهه

انهضت نالت مفالیهه وحدهه

العمام اترید جلستهه وحدهه

اتهاده اعلی اصلاح ابیا نویه

*****
هلی رکبوا سبایه الهم منل الخیل

ولابیهم شفت خله منل الخل

چتیره اگهوم زلفتهم منل الخل

وعدهم عید یوم الموزمیه